Xaçmaz Rayon İcra Hakimiyyətinin və Quba-Xaçmaz Regional Gənclər və İdman İdarəsinin Xaçmaz rayonu üzrə gənclər və idman sektorunun birgə təşkilatçılığı ilə “Narkomaniyaya qarşı birgə olaq!” devizi altında sosial aksiya keçirilmişdir.
“Tehsil365” xəbər verir ki, aksiya çərçivəsində yeniyetmə və gənclərə bukletlər paylanmış, onlara narkomaniyanın fəsadları haqqında məlumatlar çatdırılmışdır. Aksiyada 20 nəfər iştirak etmişdir.
Sosial aksiyanın keçirilməsində məqsəd sosial bəla və “ağ ölüm” adlandırılan narkomaniyanın yeniyetmə və gənclər arasında profilaktikasının həyata keçirilməsi, onlarda bu zərərli və təhlükəli vərdiş haqqında biliklərin artırılmasına nail olmaqdan ibarət olmuşdur.