3–5 sentyabr tarixlərində Şirvan-Salyan regional təhsil idarəsinin təşkilatçılığı ilə ümumtəhsil məktəblərinin təsərrüfat işləri üzrə direktor müavinləri və təsərrüfat müdirləri üçün təlimlər keçirilib.
Şirvan-Salyan regional təhsil idarəsindən “Tehsil365”ə məlumat verilib ki, təlimlər “İnzibati, maliyyə və texniki sənədləşmələrin tərtib edilməsi” mövzusuna həsr olunmuşdur. Şirvan şəhəri, Biləsuvar, Neftçala, Hacıqabul və Salyan rayonlarından iştirak edən müvafiq vəzifə sahibləri məktəblərdə təsərrüfat işlərinin idarə olunması, sənədləşmə proseslərinin düzgün aparılması və işin daha səmərəli təşkili ilə bağlı bilik və bacarıqlarını artırıblar.