İmadəddin Nəsimi XIV əsrin sonu – XV əsrin əvvəllərində yaşamış böyük Azərbaycan şairi və mütəfəkkiridir. O, hürufilik fəlsəfəsini poeziyasında əsas mövzuya çevirmiş, insanın ilahi mahiyyətini və azadlığını tərənnüm etmişdir. Nəsimi Azərbaycan, fars və ərəb dillərində dərin məna yükü daşıyan əsərlər yazmışdır. Onun azadfikirliliyi və cəsarətli ideyaları səbəbilə amansız işgəncələrlə edam olunması isə onu xalq yaddaşında əbədi qəhrəmana çevirmişdir.”Tehsil365” İmadəddin Nəsimi yaradıcılığından nümunə təqdim edir.
Apardı könlümü bir çeşmi-məxmur
Apardı könlümü bir çeşmi-məxmur,
Kim ola istəməz ol hüsnə məğrur.
…
Şərabi-lə’linizdən cür’ə içdi,
Ənəlhəq çağırır eşqində Mənsur.
…
Həqin əsrarını mən anda gördüm
Ki, Musa söylər idi bər-səri-Tur.
…
Sənin eşqində, ey Leylisifətli
Ki, Məcnun olmuşam aləmdə məşhur.
…
Çü Isa nöh fələk çərxinə çıxdım,
Cahanı sərtasər gördüm pür əz nur.
…
Nəsiminin cahanda yarı sənsən
Ki, sənsən cənnətü cənnətdəki hur