“Müəllimlərin peşəkarlıq səviyyəsinin qiymətləndirilməsi prosesi onların sosial rifahını yaxşılaşdırmaqla yanaşı, şagirdlərin keyfiyyətli təhsilə çıxış imkanlarını genişləndirməyə xidmət edir”.
“Tehsil365” xəbər verir ki, bu fikirləri bu gün keçirilən təhsil işçilərinin sentyabr konfranslarının yekununa dair hesabat tədbirində Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov səsləndirib.
O qeyd edib ki, bu istiqamətdə atılan addımlar davam etdiriləcək, qiymətləndirmə mexanizmi isə daha da təkmilləşdiriləcək:
“Həqiqətən də, nəticə çox sevindiricidir: şəhər məktəblərinə təyin olunan müəllimlərin göstəricisi 80 faizdən yuxarıdır, kənd məktəblərinə təyin olunan müəllimlərin göstəricisi isə 70 faizin üzərindədir. Ümumilikdə bu il 4 min 500-ə yaxın müəllim həm test, həm də müsahibə mərhələlərindən uğurla keçərək ümumi təhsil müəssisələrinə qəbul olunub".
O əlavə edib ki, ötən günlər ərzində də bu mövzuyla bağlı bir sıra müzakirələr aparılıb, müvafiq qərarlar verilib. Düşünürük ki, bu, görülən işlərin əsas nəticəsidir.