Dağlıq Şirvan regional təhsil idarəsinin tabeliyində fəaliyyət göstərən Ağsu rayon ümumtəhsil məktəblərini bitirərək ali məktəblərə qəbul imtahanında 500-dən artıq bal toplayan məzunlarla görüş təşkil olunub.
Dağlıq Şirvan regional təhsil idarəsindən “Tehsil365”ə məlumat verilib ki, görüşdə Ağsu Rayon İcra Hakimiyyətinin başçısı Rövşən Bağırov, Dağlıq Şirvan Regional Təhsil İdarəsinin müdiri Ramin Abasov, Rayon İcra Hakimiyyətinin və Ağsu Rayon Təhsil Sektorunun əməkdaşları, ETİHİ-nin Ağsu Rayon Komitəsinin sədri, müəllimlər və digər qonaqlar iştirak ediblər.
Çıxış edən natiqlər məzunları təbrik edərək, onlara gələcək həyatlarında uğurlar arzulayıblar. Tədbirin sonunda məzunlara qiymətli hədiyyələr təqdim olunub.
Qeyd edək ki, bu il Ağsu rayonu üzrə 173 nəfər məzun ali məktəblərə qəbul olub. Onlardan 6 nəfəri 600-dən, 16 nəfəri isə 500-dən yuxarı nəticə göstərib.
