Son günlər məcburi köçkünlərlə bağlı verdiyi qalmaqallı açıqlamalarla gündəmdə olan jurnalist Səidə Bəkirqızı “Space TV”dən də ayrılıb.
“Tehsil365”in məlumatına görə, S.Bəkirqızının sentyabrın 8-dən etibarən efirə çıxmağa başladığı “Xəbərin izində” proqramının yayımı dayandırılıb və aparıcı işdən azad edilib.
S.Bəkirqızı məlumatı “Manşet”ə təsdiqləyib.
Qeyd edək ki, bu gün Audiovizual Şura jurnalistin efirdəki açıqlamaları ilə bağlı “Space TV”nin yayımını 6 saatlıq dayandırmaq barədə qərar qəbul edib.
Xatırladaq ki, S.Bəkirqızı daha əvvəl məcburi köçkünlərlə bağlı işlətdiyi qeyri-etik ifadələrə görə baş redaktoru olduğu “MediaTurk TV”-dəki fəaliyyətinə də son vermişdi.