Bu gün Azərbaycanın 10 milyonuncu sakini Mehriban Həsənova məktəb həyatına qədəm qoyub.
Abşeron-Xızı regional təhsil idarəsindən “Tehsil365”ə məlumat verilib ki, o, Xırdalan şəhər 7 saylı tam orta ümumtəhsil məktəbində təhsil alacaq.
Təhsil nazirliyi və yerli təhsil idarəsi Mehribanın bu əlamətdar gününü xüsusi qeyd edərək ona uğurlar arzulayıb. Bildirilib ki, ölkəmizdə əhalinin sayının artması və hər yeni nəsilin keyfiyyətli təhsil alması dövlətin prioritet siyasətləri sırasındadır.
Azərbaycanın bütün məktəblərində tədris prosesi sentyabrın 15-dən etibarən başlanıb və minlərlə şagird yeni dərs ilinə ilk addımlarını atıb.