15 sentyabr tarixində Azərbaycan Dövlət Neft və Sənaye Universitetinin (ADNSU) nəzdində Bakı Neft-Energetika Kollecində Bilik Günü münasibətilə tədbir təşkil olunub.
“Tehsil365” xəbər verir ki, tədbirdə I kurs tələbələri və onların valideynləri iştirak ediblər. Kollecin direktoru, dosent Ata Babayev çıxış edərək kollecin əldə etdiyi uğurlar, təhsil imkanları və daxili qaydaları barədə ətraflı məlumat verib. O, tələbələri və valideynləri yeni tədris ilinin başlanması münasibətilə təbrik edib, onlara uğurlar arzulayıb.
Mərasimdə yüksək bal toplayaraq kollecin tələbəsi adını qazanmış gənclərə Təşəkkürnamələr və mükafatlar təqdim olunub.
Sonda tədbir iştirakçıları üçün kollecin həyatı və təhsil mühiti ilə tanışlıq üçün gəzinti təşkil edilib.
