15 sentyabr – Bilik Günü münasibətilə “Bakcell” Heydər Əliyev adına Müasir Təhsil Kompleksində “Növbəti nəsil: Süni intellekt və innovasiya” adlı tədbir təşkil edib. Məqsəd gənclərin süni intellekt və innovasiya sahəsində bilik və bacarıqlarını inkişaf etdirmək, onları rəqəmsal çağırışlara hazırlamaq olub.
“Tehsil365” AZƏRTAC-a istinadən zəbər verir ki, tədbir çərçivəsində panel müzakirəsi keçirilib. Süni intellektin gündəlik həyat və iş mühitinə təsirləri, innovasiyaların gələcəyi müzakirə olunub. Süni intellekt əsaslı robot iştirakçılarda maraq yaradıb. “Prompt mühəndisliyi” mövzusunda keçirilən sessiyada iştirakçılar süni intellekt alətlərinin imkanları ilə tanış olub, praktiki məşğələlərdə ideyalarını vizuallaşdıraraq real təcrübə qazanıblar.
“Azərbaycanın rəqəmsal gələcəyi gənclərin bacarığı və yaratdıqları innovasiya ekosistemi üzərində qurulacaq. Bu tədbirlər gənclərə biliklərini zənginləşdirmək və gələcəyin innovativ liderləri kimi formalaşmaq üçün imkan yaradır”, – deyə “Bakcell”in baş icraçı direktoru Klaus Müller bildirib.
“Süni intellekt kimi texnoloji platformaların gətirdiyi çətinliklərin öhdəsindən gəlmək üçün təhsil müəssisələri bu gün addım atmalıdır”, – deyə MTK-nın baş icraçı direktoru Tural Abbasov qeyd edib.