15 sentyabr – Bilik, zəhmət və ümidlərin bayramı münasibətilə Xırdalan şəhəri 10 nömrəli tam orta məktəbdə yeni dərs ilinin başlanması münasibətilə tədbir keçirilib.
“Tehsil365” xəbər verir ki, məktəb həyəti şagirdlərin gülüşü, müəllimlərin diqqət və qayğısı ilə bir daha canlanıb. Tədbirdə çıxış edənlər bildiriblər ki, yeni tədris ili bütün şagirdlər üçün bilik, zəhmət və ümidlərlə dolu uğurlu bir yol olacaq.
2025/2026-cı tədris ilinə qədəm qoyan məktəblilərə uğurlar arzulayan müəllim və valideynlər, onların elm yolunda yeni nailiyyətlər qazanacağına inam ifadə ediblər. Xüsusilə məktəbə ilk dəfə qədəm qoyan birinci sinif şagirdlərinin sevinci tədbirə xüsusi rəng qatıb.
Sonda vurğulanıb ki, elm və təhsil Azərbaycanın gələcəyini formalaşdıran ən böyük dəyərlərdir. Bu münasibətlə hər kəsə uğurlarla zəngin, unudulmaz anlarla dolu bir tədris ili arzulanıb.
