Universitet məzunlarının iş tapma göstəricilərində dəyişikliklər müşahidə olunur. Ən çox iqtisadiyyat, informasiya texnologiyaları və mühəndislik ixtisasları üzrə məzunlar iş bazarında daha tez yerləşsələr də, humanitar sahələrdə bu göstəricilər aşağıdır. Bu vəziyyət gənclərin təhsil seçimlərinə də təsir göstərir.
"Tehsil365" xəbər verir ki, aparılan araşdırmalar göstərir ki, bakalavr səviyyəsini bitirənlərin təxminən 40%-i bir il ərzində sahələri üzrə iş tapa bilirlər, lakin magistr və ya əlavə sertifikatlara malik olanların göstəriciləri 65%-ə qədər yüksəlir. İş tapma müddətinin uzunluğu həmçinin region, təhsil müəssisəsinin nüfuzu və tələbənin əlavə bacarıqlarından da asılıdır.
Ekspertlər bildirirlər ki, gənclərin iş bazarında rəqabət qabiliyyətini artırmaq üçün əlavə təlimlər, praktik təcrübələr və sertifikatlaşdırma proqramları önəmlidir. Bu isə tələbələrin peşəkar inkişafına və gələcəkdə uğurlu karyera imkanlarına birbaşa təsir edə bilər.