Hindistanın şimal-şərqində yerləşən Manipur əyalətində bu gün – 16 sentyabr 2025 tarixində bütün məktəblər və kolleçlər müvəqqəti olaraq bağlanıb. Əyalət hökumətinin qərarına əsasən, təhsil müəssisələrinin fəaliyyətinin dayandırılması barədə göstəriş verilib.
“Tehsil365”xarici mediaya istinadən xəbər verir ki, rəsmi dairələr bağlanmanın konkret səbəblərini açıqlamasa da, yerli mənbələr bu qərarın arxasında təhlükəsizlik narahatlıqları və ya inzibati tədbirlərin dayandığını bildirirlər. Əvvəlki illərdə də əyalətdə baş verən etnik gərginliklər və ictimai iğtişaşlar səbəbindən təhsil müəssisələri dəfələrlə müvəqqəti bağlanmışdı.
Hökumət nümayəndələri valideynlərə və şagirdlərə çağırış edərək sakitliyi qorumağı və rəsmi qurumların təlimatlarına əməl etməyi tövsiyə ediblər.
Hazırda məktəb və kolleclərin nə zaman yenidən açılacağı ilə bağlı məlumat verilməyib. Vəziyyətin sabitləşməsi halında fəaliyyətin tezliklə bərpa olunacağı gözlənilir.