2025-ci ilin yanvar-avqust ayları ərzində Azərbaycandan 560.7 milyon ABŞ dolları dəyərində 539.5 min ton meyvə-tərəvəz ixrac edilib.
“Tehsil365”xəbər verirki ötən ilin müvafiq dövrü ilə müqayisədə ölkədən ixrac edilən meyvə-tərəvəzin dəyəri 32.2% və ya 136.7 milyon dollar, həcmi isə 32.2% və ya 131.4 min ton artıb. 2024-cü ilin ilk 8 ayında Azərbaycan 424 milyon ABŞ dolları dəyərində 408.1 min ton meyvə-tərəvəz ixrac edib.
Qeyd edək ki, hesabat dövründə əsas ixrac olunan meyvə-tərəvəz məhsulları 157.2 milyon dollar dəyərində pomidor (144 min ton), 88.3 milyon dollar dəyərində meşə fındığı (12.2 min ton), 43.4 milyon dollar dəyərində alma (61.9 min ton ), 32.9 milyon dollar dəyərində xurma (45.8 min ton), 28.2 milyon dollar dəyərində kartof (70.9 min ton), 4.4 milyon dollar dəyərində nar (5.2 min ton) olub.
Xatırladaq ki, cari ilin yanvar-avqust aylarında meyvə-tərəvəzin ümumi ixracda xüsusi çəkisi 3.29%-ə, qeyri-neft məhsullarının ixracında olan çəkisi isə 23.37%-ə bərabər olub.