Universitet və məktəb tələbələrinin çoxu imtahan ərəfəsində gecə dərs oxumağı vərdişə çevirir. Bəziləri gecə saatlarının daha sakit olduğunu, diqqəti toplamağa şərait yaratdığını desə də, bu vərdişin sağlamlıq üzərində ciddi təsirləri olduğu qeyd olunur.
"Tehsil365" xəbər verir ki, gecə dərs oxuyan tələbələrdə yuxusuzluq, yaddaş zəifləməsi, diqqət dağınıqlığı kimi problemlər daha çox müşahidə edilir. Həkimlər bildirirlər ki, beynin öyrənmə qabiliyyəti əsasən günün erkən saatlarında daha aktiv olur və gecə vaxtı yüklənmə orqanizmin ümumi ritmini pozur.
Mütəxəssislər tələbələrə tədris rejimini düzgün qurmağı, yuxu saatlarını qurban vermədən öyrənməyə üstünlük verməyi tövsiyə edirlər. Əks halda uzunmüddətli yuxusuzluq həm akademik nəticələrə, həm də ümumi sağlamlığa mənfi təsir göstərə bilər.