Azərbaycanda gənclərin startap layihələrinə marağı son illərdə nəzərəçarpacaq dərəcədə yüksəlib. Yeni ideyalar, texnoloji həllər və innovativ yanaşmalar gəncləri bu sahəyə daha çox cəlb edir. Universitetlərdə, gənclər mərkəzlərində və müxtəlif innovasiya inkubatorlarında həyata keçirilən layihələr onların yaradıcı potensialını ortaya çıxarmağa imkan yaradır.
“Tehsil365” xəbər verirki, gənclər xüsusilə rəqəmsal texnologiyalar, mobil tətbiqlər, süni intellekt və ekoloji layihələr üzərində işləyirlər. Bir çox gənc startapçı artıq beynəlxalq müsabiqələrdə iştirak edir, qrantlar və sərmayələr qazanaraq öz ideyalarını reallaşdırmağa nail olur. Bu, həm də Azərbaycanın startap ekosisteminin güclənməsinə mühüm töhfə verir.
Dövlət və özəl sektor tərəfindən gənclərin təşəbbüslərinə dəstək proqramları da genişlənir. Təlimlər, mentorluq dəstəyi və maliyyə imkanları onların layihələrinin inkişafına şərait yaradır.
Mütəxəssislər hesab edirlər ki, gənclərin startap marağı yaxın gələcəkdə ölkənin innovasiya bazarını genişləndirəcək, həmçinin yeni iş yerlərinin açılmasına və iqtisadiyyatın şaxələndirilməsinə səbəb olacaq.