Müasir dövrdə tələbələrin dərs vəsaitləri ilə yanaşı kompüter, telefon və planşetlərdən uzunmüddətli istifadə etməsi göz yorğunluğunu artırır. İmtahanlara hazırlaşmaq, elektron materiallarla işləmək və uzun saatlar ekran qarşısında qalmaq nəticəsində görmə orqanlarında gərginlik yaranır.
"Tehsil365" xəbər verir ki, göz həkimlərinin sözlərinə görə, ən çox rastlanan simptomlar arasında gözlərin qızarması, bulanıq görmə, baş ağrısı və işığa həssaslıq yer alır. Mütəxəssislər bu halların əsas səbəblərindən birini düzgün işıqlandırılmayan mühitdə uzunmüddətli oxu və ekran istifadəsi ilə əlaqələndirirlər.
Həkimlər tələbələrə hər 40–50 dəqiqədən bir qısa fasilə verməyi, gözləri istirahət etdirməyi, təbii işıqdan daha çox faydalanmağı və mütəmadi göz müayinəsindən keçməyi tövsiyə edirlər. Bu cür profilaktik tədbirlər həm dərs nəticələrinə, həm də ümumi sağlamlığa müsbət təsir göstərir.