Son illərdə aparılan araşdırmalar göstərir ki, məktəblilərin təhsil göstəricilərinə yalnız oxu və yazı dərsləri deyil, həm də fiziki hərəkətlərin rolu böyükdür. Mütəxəssislərin fikrincə, davamlı idmanla məşğul olan şagirdlər daha yaxşı diqqət toplayır, yaddaş imkanları artır və dərslərdə daha yüksək nəticə göstərirlər.
“Tehsil365” xəbər verir ki, beynəlxalq təcrübədə də məktəblərdə fiziki fəaliyyətə xüsusi önəm verilir. Gündəlik 20-30 dəqiqəlik hərəkət və idman dərsləri həm dərs yüklənməsini azaldır, həm də uşaqların beyin fəaliyyətini stimullaşdırır. Bu da onların tapşırıqları vaxtında və daha dəqiq yerinə yetirməsinə şərait yaradır.
Mütəxəssislər bildirirlər ki, aktiv həyat tərzi məktəblilərin həm psixoloji, həm də akademik inkişafına dəstək olur. Ona görə də təhsil müəssisələrində fiziki hərəkətlərin artırılması gələcəkdə daha uğurlu və sağlam gəncliyin formalaşmasına mühüm təsir göstərə bilər.