3 oktyabr 2025-ci il tarixdə Naxçıvan Dövlət Universiteti nəzdində fəaliyyət göstərən Naxçıvan Musiqi Kollecində Beynəlxalq Müəllimlər Günü münasibətilə tədbir keçirilib.
“Tehsil365” xəbər verir ki, tədbirdə kollecin müəllim və tələbə heyəti bir araya gələrək bu əlamətdar günü qeyd ediblər. Musiqinin sehrli ahəngində davam edən görüşdə müəllim əməyinə hörmət və minnətdarlıq hissi xüsusi vurğulanıb.
Sənət ocağının istedadlı tələbələrinin ifasında səslənən musiqi nömrələri tədbirə bayram ovqatı bəxş edib. Müəllimlərə gül dəstələri təqdim olunub, onların gənc nəslin formalaşmasında göstərdiyi əvəzsiz xidmətlər yüksək qiymətləndirilib.
Sonda iştirakçılar xoş arzularını bölüşərək, kollektivin gələcək fəaliyyətində uğurlar arzulayıblar.