Dünyaca məşhur yazıçı və marketinq mütəxəssisi Seth Godin uğur qazanmaq istəyən hər bir insan üçün yeddi əsas qayda müəyyən edib.
“Tehsil365” xəbər verir ki, bu prinsiplər şəxsi inkişafın, yaradıcılığın və liderliyin əsasını təşkil edir.
1. Özündən “Niyə də olmasın?” deyə soruş. Uğura gedən yol imkanlara “bəlkə” deyil, “niyə də olmasın” cavabından başlayır.
2. Ortalamaya razı olmağı rədd et. Hər kəs kimi olmaq əvəzinə fərqli düşünmək və fərqli addımlar atmaq vacibdir.
3. Çətinliklərlə başa çıxmağı öyrən. Uğur, asan yoldan deyil, çətinlikləri aşmaqla qazanılır.
4. Gizli fikirlər ölər, fikrini açığa çıxar. Qorxma, ideyalarını paylaş. Fikrini ifadə etmək yeni fürsətlərin başlanğıcıdır.
5. Satış bacarığını inkişaf etdir. Həyatda yalnız məhsul deyil, ideya və dəyərlər də satılır. Özünü təqdim etməyi bacarmaq vacibdir.
6. Daha çox insanla tanış ol. Münasibətlər uğurun açarıdır. Yeni insanlar yeni imkanlar deməkdir.
7. Bir problemə həll tap. Uğurlu insanlar problemi deyil, həlli görənlərdir.
Seth Godin bu qaydalarla hər kəsi öz potensialını kəşf etməyə, cəsarətli düşünməyə və məqsədlərinə doğru inamla addımlamağa çağırır.