Məşhur İran şairi Füruq Fərruxzadın “Mən suyun yaradılmasına heyranam” sözləri insan ruhunun dərinliyinə toxunan bir fəlsəfəni əks etdirir.
“Tehsil365” xəbər verir ki, şair suyu həyatın, saflığın və birliyin simvolu kimi təqdim edir:
“Əgər ağaca yoldaş olarsa, onu tumurcuqlandırar.
Yanğınla təmasda olsa, onu söndürür.
Nəcasətə rast gəlsə, onu təmizləyir.
Günəşlə birləşsə, göy qurşağı əmələ gəlir.
Amma tək qalsa, iylənər.”
Bu sətirlərdə Fərruxzad suyu insan qəlbinə bənzədir: insan da başqaları ilə birlikdə olanda canlı və faydalı, tək olanda isə solğun və tənhadır.
Mesaj aydındır - birlik və ünsiyyət insan həyatının ən saf mənbəyidir.
Bir-birimizin dəyərini bilmək, qəlbləri tumurcuqlandırmaq, bir-birinə şəfa olmaq həyatın mənasını daha da dərinləşdirir.
Sonda isə şairin çağırışı hər kəsə ünvanlanır:
“Su kimi əziz olun.”