Rəqəmsal və texnoloji asılılıq müasir cəmiyyətin əsas problemlərindən biridir. Bu asılılıq, insanların gündəlik həyatına və psixoloji sağlamlığına ciddi təsir edir. Rəqəmsal asılılıq, cihazlara və platformalara həddindən artıq bağlılığı ifadə edir. Bu, insanların zamanını müəyyən xidmətlər üzərində sərf etməsinə səbəb olur. Sosial media və internet oyunları, insanların real həyatdan uzaqlaşmasına gətirir. Nəticədə emosional balans pozulur, tənhalıq və depressiya yaranır.
Texnoloji asılılığın fərqli növləri də mövcuddur. Mobil cihazların çox istifadəsi, şəxsi və peşə həyatına zərər verir. Problemlərin həlli üçün müalicə və qarşısını alma strategiyaları hazırlanmışdır. Psixoterapiya, zaman idarəetməsi və sosial dəstək mexanizmləri mühüm rola malikdir. Tədqiqatlar göstərir ki, mübarizə yalnız fərdi səylərlə deyil, cəmiyyət səviyyəsində genişmiqyaslı maarifləndirmə ilə də gücləndirilməlidir. Məsuliyyət və bilik səviyyəsinin artırılması, uzun müddətli həll yollarının tapılması üçün vacibdir. Bu proseslər inteqrasiya olunmuş və ardıcıl olmalıdır ki, qarşısının alınması və müalicəsi uğurlu olsun.
Texnoloji asılılıq, fərdin texnologiya və rəqəmsal qurğulara zərərli və davamlı tələbatını ifadə edir ki, bu da həyatın digər sahələrində aşağı funksionallaşmaya və rifahın azalmasına səbəb olur. Bu fenomen, texnoloji inkişafların sürətləndiyi dövrdə daha aktuallaşmış, sosial, emosional və fizioloji sahələrdə ciddi təsirlər göstərmişdir. Rəqəmsal asılılıq daha çox internet, sosial media və oyunlara, texnoloji asılılıq isə mobil cihazlar və kompüter texnologiyalarına aiddir.
Bəs rəqəmsal asılılığın səbəbləri nələrdir?
‘‘Tehsil365‘‘ müxbirlərinin əhali arasında apardıqları rəy sorğusu zamanı insanların müsahibələrindən bu nəticəyə gəlmək olar ki, cəmiyyət belə problemlərin yaranma səbəbini hal-hazırda mövcud olan süni intellektlərin hər işi çox rahat hala gətirməsində görür. Eyni zamanda bu insanların passivləşməsinə gətirib çıxardır. İnsanların texnoloji alətlərdən əlavə heç bir fəaliyyəti yoxdur.
Bəs rəqəmsal asılılıqla mübarizə strategiyaları nələrdir?
Aparılan sorğular zamanı müxtəlif həll yolu təklifləri də aldıq. İnsanlar texnalogiyanın içinə qərq olduqca ailələriylə vaxt keçirməyi belə unudub. Ailə və sevdiklərimizlə vaxt keçirtmək bu asılılığı minimuma endirir. Eyni zamanda müxtəlif hobbilər və məşğuliyyətlərə yiyələnmək və planlı olub gün boyu texnologiyadan uzaq duraraq da bu asılılıqdan azad olmaq mümkündür.