Son vaxtlar tələbələr arasında təhsil sisteminə dair narazılıqlar artır. Onlar istəyirlər ki, dərslər daha maraqlı, faydalı və nəticə yönümlü olsun.
Bu barədə “Tehsil365” araşdırma edib və tələbələrdən müsahibə alıbdır:
Təhsildə daha praktiki dərslər olmasını istəyərdim,biz nəzəri məlumatları daha çox öyrənirik amma bəzən onları praktiki etmək çətin olur.Həmçinin qiymətləndirmə sistemi daha ədalətli olsa xoş olar məsələn sadəcə qiymətlərimizi yox tələbənin dərsdə aktivliyini,yaradıcılığınıda qiymətləndirsələr daha yaxşı olar.
Fidan Sadıqova
Dil öyrənilməsini dəyişdirmək istərdim. Bir şagird 11 il ingilis dili fənnini keçir. Bəzi yerlərdə əlavə olaraq rus, alman kimi dillər də tədris olunur. Ancaq heç bir uşağın hazırlığa, kursa getmədən, sadəcə məktəbdə öyrəndikləri ilə sərbəst dil bildiyini görməmişəm. Məncə, bu fənn 11 il aralıqsız keçilirsə, daha çox effekt göstərməli idi. Kurslarda 1 ilə danışıq öyrənmək olur, amma 11 ilə bunu edə bilmirlər? Bu barədə bəzi dəyişikliklərin olunmasını istərdim.
Günay Musayeva
Təhsil sistemi ümumiyyətlə Azərbaycan da müəyyən qədər inşkaf etməyib. Yəni bir çox abituriyent və ya tələbə bundan şikayət edir. Məsələn tam orta təhsil üzrə məktəblərin verdiyi təhsil səviyyəsi aşağıdı auditoriya səviyyəsi də həmçinin aşağı səviyyədədir. Bu məsələlər üzrərinde bir az iş görülsə daha yaxşı ola bilər. Məktəbdə dərslərə qarşı laqeyidlik göstərilir, uşağlar ilə psixolojik olaraq danışıqlar aparılsa və ya düzgün yönləndirmə olsa bir çox abituriyentimiz daha düzgün seçimlər edə bilər gələcək həyatları üçün yada ki təhsil həyatları üçün düzgün qərar verə bilərlər. Tələbələr üçün isə daha ədalətli bir qiymətləndirmə sistemi olsa daha yaxşı olar çünki bəzi universitet müəllimləri qızları oğlanlardan daha üstün tutub onlara yüksək səviyyədə güzəşt olunur adicə kiçik problemlərdən biri budu, başqa bir problem isə yene qiymətlər haqqındadır. Müəllimlər qiymət yazmağa laqeyd hərəkət edirlər. Məlumdur ki tələbələr arasında səviyyə fərqi var zəif tələbələr də var güclü tələbələrdə amma ki bəzi vaxtlarda müəllimlər güclü tələbələrə zəif qiymətlər yazırlar. Biz bununla bağlı nə qədər etiraz etsəkdə bizim sözümüz ya sayılmır yada ki dekanlığa şikayət elemekle təhdid edilir. Ümumi olaraq Azərbaycanda təhsil səviyyəsi aşağıdı və bunun düzəldilməsi ilə bağlı müəyyən tədbirlər keçirilməlidir.
Rəsul Əliyev