Türk ədəbiyyatının qısa, lakin dərin iz buraxan simalarından biri – Rüştü Onur, duyğuların ən saf və sükun dolu halını bir neçə misrada ifadə etməyi bacaran şairlərdəndir.
“Tehsil365” xəbər verir ki, onun “Tanrım açamadık içimizi...” misraları, bir sevdanın içində gizlənmiş tənhalığın və qaçılmaz ayrılığın poetik rəsmini çəkir.
“Tanrım açamadık içimizi
Artık buluşmamız mahşere kaldı.
Ne yelken ne gemi var limanda
Kaçmak bir uzun sefere kaldı.
Mercan bir sahildeymiş gemiler
Bulmak kasvetli günlere kaldı..”
Şair, “Artık buluşmamız mahşere kaldı” deyərək ayrılığın son nöqtəsini – əbədiyyəti işarə edir. Limanda “ne yelken ne gemi”nin qalmaması isə artıq dönüşün, ümidin tükəndiyini göstərir.
Rüştü Onurun bu qısa, lakin dərin mənalı şeiri, həm sevginin, həm də həyatda yetişə bilməməyin ağrısını daşıyır. Onun poetik dili oxucunu həm dənizlərin sükutuna, həm də ruhun fırtınasına aparır.