Azərbaycan ədəbiyyatının görkəmli nümayəndəsi, xalq şairi Məmməd Araz “Ötən günlər” şeirində insanın yaddaş və hiss dünyasına səyahət edir.
“Tehsil365” xəbər verir ki, şair keçmişin acılarını daşımaq əvəzinə, onları unutmağı və həyatla barışmağı tövsiyə edir.
“Gəl daha tənəli sözlərdən əl çək,
Olub-keçənləri gətirmə yada…” –
misraları ilə başlayan şeir insanlara bağışlamağı, kin və kədəri arxada qoymağı öyrədir.
Əsərin əsas ideyası ondan ibarətdir ki, insan hər günün dərdini ürəyində yığmaqla yox, sabaha ümidlə baxmaqla yaşamalıdır.
“Gəl daha tənəli sözlərdən əl çək,
Olub-keçənləri gətirmə yada.
Bəzən yarıkönül gülümsəyərək,
Hər sözü-söhbəti üzə vurma da...
Bu sorğu-suallar nəyə gərəkdir,
Gərək unutmağı bacara insan.
Canın dağ da olsa, əriyəcəkdir
Hər günün dərdini ürəyə yığsan...”
Məmməd Araz bu şeiri ilə oxucuya bir daha xatırladır: keçmişi buraxmaq bəzən ən böyük müdriklikdir.