Elm və Təhsil Nazirliyinin “Elm və təhsilə birgə baxış” layihəsi çərçivəsində nazirliyin Elm, ali və peşə təhsili şöbəsinin rəhbərliyi və əməkdaşları, həmçinin Türkiyə-Azərbaycan Universiteti (TAU) və Azərbaycan Texniki Universitetinin rəhbər heyəti, professor-müəllim və inzibati heyəti görüşüblər.
“Tehsil365” xəbər verir ki, bu haqda Azərbaycan Respublikası Elm və Təhsil Nazirliyi fb səhifəsində bildirib.
Görüşdə ali təhsildə idarəetmənin səmərəliliyinin artırılması, təhsil proqramlarının müasir tələblərə uyğunlaşdırılması, akademik və inzibati proseslərin çevikliyi, ikili diplom proqramlarının təşkili və qanunvericilik bazasının təkmilləşdirilməsi məsələləri müzakirə olunub.