Musiqi insan həyatında əhəmiyyətli rol oynayır: o, ruh halını dəyişdirir, stressi azaldır, diqqəti artırır və motivasiyanı yüksəldir. Bəs musiqinin insan ruhuna təsiri nədən ibarətdir?”
Mövzuyla bağlı “Tehsil365”ə İlahə Məmmədova açıqlama verib.
“Bilirik ki, insan ruhdan və cisimdən ibarətdi, cisim bütün ağrıları, kədəri ,sevinci ruhu ilə hiss edir. Cisim ruhsuz mahiyyətini itirir.”
İlahə Məmmədova qeyd edib ki, musiqi də sırf ruhla bağlı bir sənətdir.İnsan musiqini ruhu ilə duyur və hisslərini məhz onunla ifade edir.Amma bir şeyə də diqqət etməliyik.
“Təbii ki, söhbət sağlam musiqidən gedir. Orta əsrlərdə musiqi fəlsəfənin bir sahəsi idi. Bu sahənin ustadları insan duyğularına musiqi ilə təsir göstərə bilir, mənəvi cəhətdən ruhun sabitliyinə nail ola bilirdilər. İnsanın psixikasına mənfi təsir göstərib, insanı öz halından çıxaran musiqi nəinki ruha qida,tam əksi olaraq böyük zərərlidir.”
İlahə Məmmədova bildirib ki, bu nöqteyi nəzərdən təbii ki, istərdim insanlara sağlam ruhlu, sağlam düşüncəli musiqilərin təbliği istiqamətində işlər aparılsın. Bu cəhətdən təbii ki, professional musiqiçilərin rolu danılmazdır. Baxın, Bethovenin Ay sanatasını dinlərkən insan ezackar səslər aləminə düşür. Möhtəşəmliyə heyran olursan. Dahi Üzeyir bəy deyirdiki, ən gözəl bəstəkar xalqdır. Həqiqətən muğamlarımız, öz xalq musiqilərimiz necə nəcib hisslər aşılayır.
“Təbii ki, belə musiqilər təbliğ olunmalıdır. Bayağılıq hissləri cılızlaşdırır. İnsan ruhunun ayrılmaz hissi olan gözəllikdən doğan musiqi sənəti gerçək missiyasindan uzaq düşməməlidir.”