Argentinalı arxeoloqlar təxminən 70 milyon il yaşında olduğu güman edilən dinozavr yumurtası tapıblar.
“Tehsil365”in məlumatına görə, bu barədə "Ladbible" məlumat verib.
Qeyd olunur ki, yumurta, demək olar ki, mükəmməl vəziyyətdədir, qabığı zədələnməyib. Argentinalı paleontoloqlar bu heyrətamiz tapıntını oktyabrın 7-də canlı yayım zamanı aşkar ediblər. Mütəxəssislər qeyd ediblər ki, yumurta sanki yenicə qoyulmuş kimi yaxşı görünür.
Güman edilir ki, yumurta "Bonapartenykus" cinsindən olan, təbaşir dövrünün sonunda yaşamış ət yeyən teropoda məxsus ola bilər. Bu, kəşfi daha da heyrətamiz edir.
"Bu, tam və mütləq sürpriz idi. Potensial ət yeyən dinozavrların yumurtalarını, özü də belə vəziyyətdə tapmaq nadir hadisədir", - deyə Alim Qonsalo Munyos "National Geographic"ə bildirib.