Bəzən həyatımızda hər şey qaydasındadır – sevdiklərimiz yanımızdadır, işimiz yaxşı gedir, xoşbəxtik. Amma içimizdə qəribə bir səs deyir: “Çox sevinmə, birdən nəsə pis olar.”Bu, “xoşbəxtlik qorxusu” adlanan bir psixoloji haldır.
'“Tehsil365” araşdırıb ki, insan beyni keçmişdə yaşadığı travmaları xatırlayaraq, xoşbəxtliyin ardınca ağrı gələcəyindən qorxur. Bu qorxu uşaq yaşlarından formalaşa bilər — məsələn, bir dəfə çox sevindiyimiz bir hadisədən sonra məyus olmuşuqsa, beyin bunu “xoşbəxtlik = təhlükə” kimi kodlayır.
Həmçinin, bəzi insanlar xoşbəxt olmağa layiq olmadıqlarını düşünürlər. Bu isə özünə dəyər hissinin zəifliyindən yaranır. Psixoloqlar deyir ki, xoşbəxt anlardan qorxmaq beynin müdafiə mexanizmidir – “əgər sevinməsəm, itirəndə az ağrı çəkərəm” düşüncəsi.
Bu halı aşmaq üçün insan xoşbəxtliyi qorxuyla yox, minnətdarlıqla qarşılamalıdır. Özünə “Bu anı yaşamağa haqqım var” demək və keçmişlə indini ayırd etmək, zehni azadlığın başlanğıcıdır.