Təhsil-İş və TÜİK-in son hesabatlarına əsasən, Türkiyədə məktəb tərk etmə göstəriciləri xüsusilə kənd və aşağı gəlirli bölgələrdə daha çoxdur.
“Tehsil365” xəbər verir ki, bu barədə xarici media məlumat verib.
Qız uşaqları arasında təhsil davamlılığı problemi də artmaqdadır.
Anadolunun bəzi bölgələrində (xüsusilə Şərqi və Cənub-Şərqi Anadoluda) iqtisadi çətinliklər, erkən nikahlar və ailə gəlirlərinin az olması məktəbi yarımçıq qoyanların sayını artırır.
Təhsil Nazirliyi bildirir ki, 2025-ci ildən etibarən “Məktəbə Qayıdış Proqramı” çərçivəsində regionlarda sosial dəstək bursları, pulsuz nəqliyyat və yemək xidməti, eləcə də ailələr üçün maarifləndirmə kampaniyaları tətbiq ediləcək.
Proqramın məqsədi 2030-cu ilə qədər təhsildən kənarda qalan uşaqların sayını ən azı 50 faiz azaltmaqdır.
Eyni zamanda UNICEF və Aile ve Sosyal Hizmetler Bakanlığı ilə birgə “Uşaq Əmək Qurbanlarına Dəstək” layihəsi də genişləndirilir. Layihə uşaq işçilərin yenidən məktəbə cəlb edilməsini və peşə təhsili imkanlarının artırılmasını nəzərdə tutur.