Sosial şəbəkələrdə bir nənənin həyat hekayəsi geniş maraq doğurub.
Təhsil365 xəbər verir ki, videoda qadın sürücülərdən birinə öz çətin, fədakar həyat yolundan danışır. O, dünyanın 21 ölkəsində tərcüməçi kimi çalışdığını, müxtəlif ölkələrdə fəaliyyət göstərdiyini bildirib.
Hazırda isə təqaüd və ya dəstək ala bilmədiyi üçün dolanışığını yollarda corab satmaqla təmin edir. Nənə iki şəhid bacısı olduğunu da deyib. Onun sözlərinə görə, övladı ağır vəziyyətdə - yataq şəraitindədir və bütün qazancını onun müalicə və baxımına xərcləyir:
"Balama baxmaq üçün bu işlə məşğulam. Başqa yolum yoxdur."
Sosial şəbəkə istifadəçiləri qadının hekayəsini paylaşaraq ona dəstək olunmasını istəyiblər. Həmin görüntünü təqdim edirik.