Qısqanclıq bir çox hallarda sevgi ilə qarışdırılır, amma əslində o, sevginin deyil, itirmək qorxusunun ifadəsidir. İnsan sevdiyi şəxsi itirəcəyindən qorxanda, onun üzərində nəzarət ehtiyacı yaranır. Bu hiss isə həm özünə inamsızlıqdan, həm də keçmişdə yaşanmış mənfi təcrübələrdən qaynaqlanır.
“Tehsil365” araşdırır ki,psixoloji baxımdan qısqanclıq insanın dəyər hissi ilə birbaşa əlaqəlidir. Özünə güvənən insan qarşısındakı şəxsin azadlığını qəbul edə bilir. Amma daxildə dəyərsizlik hissi olduqda, hər bir davranış təhlükə kimi görünür. Qısqanclığın az miqdarı münasibətə duyğu qata bilər, lakin o, nəzarət və şübhəyə çevrildikdə, həm sevginin, həm də inamın sonunu gətirir.