Müasir Azərbaycan gəncliyi arasında ədəbi yaradıcılığa maraq getdikcə artır. Bu istiqamətdə fərqlənən istedadlı gənclərdən biri də Pərviz Rzalıdır.
“Tehsil365” xəbər verir ki, O, 2021-ci ildən etibarən həvəskar olaraq yazıçılıqla məşğuldur və bu sahədə ilk uğurlu əsərlərindən biri olan "Gecə Ovçusu" ilə oxucuların diqqətini cəlb edib.
Rzaquliyev Pərviz, 22 yaşındadır. 2018-2022-ci illərdə Bakı İnşaat Kollecində təhsil almış, hal-hazırda isə Azərbaycan Texniki Universitetinin 2-ci kurs tələbəsidir. Gənc yaşlarından yazmağa başlayan Pərviz, ədəbi fəaliyyətinə sosial mövzular və insan psixologiyasını əhatə edən hekayələrlə start verib.
"Gecə Ovçusu" əsəri, gənc müəllifin həyatın qaranlıq tərəflərinə, insanın daxili mübarizəsinə və cəmiyyətin gizli qatlarına toxunduğu dərin psixoloji məzmunlu bir əsər kimi qiymətləndirilir.
Pərviz Rzalı, gənc nəsil arasında ədəbiyyata olan marağı artırmaq, yeni fikirlər və üslublarla oxucuların qarşısına çıxmaq niyyətindədir. O, gələcəkdə daha böyük layihələr və romanlar üzərində işləməyi planlaşdırır.