Gənc yazar Pərviz Rzalı, “Gecə Ovçusu” hekayəsi ilə geniş oxucu kütləsinin marağını qazanıb.
“Tehsil365” xəbər verir ki, müəllif əsərdəki “gecə” və “ov” metaforalarının təsadüfi olmadığını bildirir. Baş qəhrəmanlar – keçmiş kapitan Darko Beliç və əsgər Jovan “Arrow” Petroviç, gecələr sui-qəsd əməliyyatları ilə tanınırlar. Ancaq hekayə irəlilədikcə onların əsl məqsədləri oxucuya aydın olur.
Pərviz Rzalı əsəri Azərbaycan dilində, xarici tarixi mövzu üzərində yazaraq fərqlilik yaratmaq istədiyini bildirib. Kitab artıq ingilis dilinə tərcümə olunub, yaxın gələcəkdə isə türk və rus dillərində də təqdim olunacaq. Yazıçının böyük arzusu isə bu hekayənin filmə çevrilməsi və Netflix kimi platformalarda yayımlanmasıdır.
Hadisələr İkinci Dünya Müharibəsi dövründə, İtaliya , Belfast, London və digər Avropa şəhərlərində cərəyan edir. Əsərdə xəyali azərbaycanlı obrazlar da yer alır – Leytenant Rasim Mirzəyevin başçılığı ilə döyüşən divizion, milli ruhun təcəssümüdür.
Yazıçının sevimli obrazı isə Detektiv Edvard Uilsondur – onun dediyinə görə, “araşdırmaq mənim də ruhumdadır.
”“Gecə Ovçusu: Küllərdən Doğulan” adlı ikinci hissə üzərində işlər davam edir. Oxucular yeni macəralara yaxın zamanda şahid olacaqlar.