ABŞ Təhsil Nazirliyi Amerika Tarixi və Vətəndaşlıq Seminarları Proqramı üçün 153 milyon dollardan çox qrant ayırdığını elan edib.
“Tehsil365” xəbər verir ki, bu təşəbbüs müəllimlərin və tələbələrin vətəndaşlıq təhsili və tarixi biliklərini artırmağa yönəlib.
Nazirlik bildirib ki, bu vəsait tədris keyfiyyətini artırmaq, təhsil müəssisələrini gücləndirmək və Amerika dəyərləri haqqında dərindən anlayış yaratmaq məqsədi daşıyır.
Bundan əlavə, 2025-ci il üzrə ABŞ Prezident Təqaüdçüləri də elan edilib. Bu nüfuzlu mükafata akademik, bədii, texniki və peşəkar sahələrdə fərqlənən tələbələr layiq görülüblər.
Təhsil Nazirliyi bu addımların ölkənin gələcəyini formalaşdıracaq gəncləri dəstəkləmək və inkişaf etdirmək məqsədi daşıdığını bildirib.