8 Noyabr – Zəfər Günü münasibətilə Kürdəmir Peşə Liseyində tədbir keçirilib.
“Tehsil365” AZƏRTAC-a istinadla xəbər verir ki, tədbir Azərbaycan Respublikasının Dövlət Himninin səsləndirilməsi və Vətənimizin azadlığı uğrunda şəhid olan qəhrəmanların xatirəsinin bir dəqiqəlik sükutla yad edilməsi ilə başlayıb.
Liseyin direktoru Nurlan Abdullayev çıxışında Zəfər Gününün xalqımızın milli birliyinin, qəhrəmanlığının və dövlətçilik əzminin təcəssümü olduğunu qeyd edib. O, bu Qələbənin Müzəffər Ali Baş Komandan, Prezident İlham Əliyevin rəhbərliyi, Azərbaycan Ordusunun şücaəti və xalqımızın birliyi sayəsində əldə olunduğunu bildirib.
Tədbirdə şəhid ailələrinin üzvləri, ictimaiyyət nümayəndələri, eləcə də liseyin pedaqoji heyəti və tələbələr iştirak ediblər.
Proqram çərçivəsində tələbələr Vətən müharibəsinə həsr olunmuş səhnəciklər nümayiş etdirib, vətənpərvərlik mövzusunda şeirlər və mahnılar səsləndiriblər. Eyni zamanda, liseyin müharibə veteranı olan əməkdaş və tələbələrinə fəxri fərmanlar və hədiyyələr təqdim olunub.