Müharibədə qazanılan böyük Qələbənin ildönümüdür. Müzəffər Azərbaycan Ordusu Ali Baş Komandanın rəhbərliyi ilə illərlə işğal altında olan torpaqlarımızı azad etdi, üçrəngli bayrağımız yenidən Qarabağ səmasında qürurla dalğalandı.
“Tehsil365” xatırladır ki, bu Qələbə xalqımızın birlik, iradə və Vətən sevgisinin parlaq nümunəsidir. Son illər ərzində təhsil müəssisələrində keçirilən tədbirlərdə, dərslərdə, layihələrdə və layihə müsabiqələrində Zəfər ruhu daim yaşadılıb. Müəllimlər və şagirdlər qəhrəman şəhidlərimizin və qazilərimizin həyat hekayələrini öyrənir, bu tarixi qüruru gələcək nəsillərə ötürürlər.
Bu gün biz bir daha şəhidlərimizin əziz xatirəsini ehtiramla yad edir, qazilərimizə minnətdarlıqla baş əyirik.
Zəfər Günü bizə xatırladır ki, birlikdə olduqda Azərbaycanı heç kim məğlub edə bilməz!
Qarabağ Azərbaycandır!