Queen's University Belfast, Hindistandakı kampusunda təhsil alacaq tələbələr üçün 20 yeni beynəlxalq təqaüd proqramı elan edib.
“Təhsil365” xəbər verir ki, Bu təşəbbüs universitetin qlobal təhsil imkanlarını genişləndirmək və Hindistandan olan istedadlı tələbələrə dəstək vermək məqsədi daşıyır.
Təqaüdlər akademik müvəffəqiyyət, liderlik bacarıqları və ictimai fəaliyyətə görə veriləcək. Universitet rəsmiləri bildiriblər ki, bu təqaüdlər həm də beynəlxalq tələbələrin təhsilə çıxış imkanlarını artırmaq üçün atılan mühüm addımdır.
Qeyd edək ki, Queen's University Belfast dünyanın aparıcı ali təhsil müəssisələrindən biri kimi tanınır və Hindistanda kampus açaraq regionda təhsilin inkişafına töhfə verməyə çalışır.