ABŞ-ın müxtəlif ştatlarında yerləşən 100-dən çox universitetdə tələbələr və müəllim heyəti sabiq prezident Donald Trampın akademik azadlığa qarşı yönəlmiş çıxış və təzyiqlərinə qarşı birgə etiraz aksiyası keçiriblər.
"Təhsil365" xəbər verir ki, “Tələbələr Qalxın” (Students Rise Up) adlı tələbə şəbəkəsinin təşkilatçılığı ilə baş tutan aksiyalar həm yerli təşəbbüsləri, həm də Sunrise Movement və Campus Climate Network kimi milli təşkilatları əhatə edib.
Aksiyalara Amerika Universitet Professorları Assosiasiyası (AAUP) və Ali Təhsil Əmək Birliyi kimi müəllim həmkarlar ittifaqları da dəstək verib. Etirazçılar Trampın universitetləri öz mühafizəkar ideoloji xəttinə uyğunlaşdırmaq cəhdlərini pisləyiblər. Onlar universitet rəhbərliklərini və dövlət rəsmilərini Trampın təklif etdiyi və universitetlərə maliyyə yardımı müqabilində mühafizəkar gündəminə dəstək gözlədiyi “kompakt”dan imtina etməyə çağırıblar.
Qeyd edək ki, hələlik yalnız bir dövlət universiteti — Florida Yeni Kolleci — bu təşəbbüsü qəbul edib. Etirazçılar bunun təhlükəli president olduğunu bildirir və akademik müstəqilliyin qorunmasının vacibliyini vurğulayırlar.