Hər il 12 noyabr Azərbaycanda Konstitusiya Günü kimi qeyd olunur.
“Tehsil365” xəbər verir ki, Bu tarix 1995-ci ildə, ümummilli lider Heydər Əliyevin rəhbərliyi ilə müstəqil Azərbaycanın ilk Konstitusiyasının ümumxalq səsverməsi (referendum) yolu ilə qəbul edildiyi günüdür.
Azərbaycan Respublikasının Konstitusiyası ölkənin əsas qanunu kimi dövlətin siyasi, hüquqi və sosial əsaslarını müəyyən edir, insan hüquq və azadlıqlarını təmin edən mühüm sənəddir. 5 bölmə və 158 maddədən ibarət olan bu Konstitusiya Azərbaycanın demokratik, hüquqi və dünyəvi dövlət olduğunu təsdiqləyir.
Konstitusiya Günü ölkədə hüquqi maarifləndirmə tədbirləri, təhsil müəssisələrində açıq dərslər, müxtəlif seminar və konfranslarla qeyd olunur.
Bu gün, həm də Azərbaycanın müstəqil və hüquqi dövlət quruculuğunun əsasını qoyan sənədin qəbul edildiyi gün kimi tarixə düşüb.