Mütəxəssislər bildirir ki, uşaqların düzgün tərbiyəsi yalnız məktəbdə deyil, evdə də formalaşır. Valideynlərin davranışı, vərdişləri və sözləri uşaqlar üçün ən əsas nümunədir. Təhsil prosesində uşaq məktəbdə bilik alır, amma onun şəxsiyyətinin formalaşmasında əsas rol valideynlərindir. Məsuliyyətli və səbirli valideynlər övladlarını daha düzgün istiqamətə yönəldə bilirlər.
Konstitusiyamızın 17-ci maddəsində qeyd olunur ki, uşaqların qayğısına qalmaq və onları tərbiyə etmək valideynlərin borcudur. Bu borcun yerinə yetirilməsinə dövlət nəzarət edir.
Bu gün cəmiyyətdə uşaqların, yeniyetmələrin tərbiyəsi ilə bağlı müzakirələrdə fikir ayrılıqları həm valideynlərin, ailələrin, həm də təhsil müəssisələrinin bu işdə rolunu gündəmə gətirir. Təəssüf ki, bir çox hallarda valideynlər məhz bu məsələdə öhdəliklərini daha çox məktəbə, müəllimlərə yönəldirlər, əsas tərbiyələndirici mühit kimi məktəbin bu işdə məsul olduğunu bildirirlər.
Psixoloqlar qeyd edirlər ki, uşaqlar valideynlərin hərəkətlərini daha çox diqqətlə izləyir və sözlərdən çox nümunədən təsirlənirlər. Buna görə də valideynlərin öz üzərində işləməsi, etik dəyərlərə sadiq qalması və düzgün davranış göstərməsi vacibdir. Məktəb yalnız bilik verir, amma uşağın davranış normaları və əxlaqi dəyərləri evdə formalaşır.
Mütəxəssislər vurğulayır ki, sağlam və məsuliyyətli gənc nəsil yetişdirmək üçün valideynlər ilk növbədə öz tərbiyələrinə diqqət etməlidir. Bu isə həm fərdi, həm də cəmiyyət üçün böyük əhəmiyyət daşıyır.