Avstraliya hökuməti beynəlxalq tələbələrin ölkə üzrə daha balanslı şəkildə yerləşdirilməsi məqsədilə yeni siyasət xəttini təqdim edib. “Ministerial Direction 115” adlı direktiv bu gündən etibarən qüvvəyə minir və ölkənin universitet və kolleclərində xarici tələbələrin bölgələr ilə böyük şəhərlər arasında daha ədalətli şəkildə paylanmasını nəzərdə tutur.
“Tehsil365” xarici mediaya istinadən xəbər verir ki, yeni sənədə əsasən, tələbə vizalarının emalı zamanı regionlarda yerləşən təhsil provayderlərinə üstünlük veriləcək və ölkə üzrə tələbə axınının tənzimlənməsi üçün vahid seçim meyarları tətbiq olunacaq. Hökumət bununla təhsil imkanlarının yalnız böyük şəhərlərdə cəmləşməsinin qarşısını almağı, regionlarda da akademik potensialı gücləndirməyi hədəfləyir.