Kristofer Nolan yeni "Odissey" filmi üçün 609,6 kilometr kinolent istifadə edildiyini açıqlayıb.
“Tehsil365” xəbər verir ki, bu barədə "Rolling Stone" məlumat yayıb.
Çəkilişlərin böyük hissəsi açıq dənizdə baş tutub. Çəkilişlər fevraldan avqusta qədər altı ay davam edib və Mərakeş, Yunanıstan, İtaliya, Malta, Şotlandiya, İspaniya, ABŞ-də həyata keçirilib.
Film Homerin eramızdan əvvəl VIII əsrdə yazılmış epik poeması əsasında çəkilib. Hekayə Troya müharibəsindən sonra evə qayıtmağa çalışan və mifik varlıqlarla qarşılaşan İtaka kralı Odisseydən bəhs edir.
Filmdə Met Deymon, Tom Holland, Zendaya, Enn Hetuey, Robert Pattinson, Şarliz Teron kimi ulduzlar yer alıblar.
Filmin 17 iyul 2026-cı ildə nümayişi planlaşdırılır. "Odissey" tamamilə IMAX kameraları ilə çəkilmiş ilk film olacaq.