ABŞ-ın Çikaqo şəhərində 23 yaşlı kişi 2 aylıq körpəsini öldürüb.
“Tehsil365” xarici KİV-ə istinadla bildirir ki, hadisə 2025-ci ilin aprelində baş verib. Körpənin anası Kayla Flovers deyib ki, əri uşağı evə qaytardıqdan sonra oğlu Kayson huşsuz vəziyyətdə olub. Həkimlərin rəyinə görə, körpə tapıldığı anda artıq 6–8 saat əvvəl vəfat edib.
Qadının ifadələrinə görə, o, Evansa övladı ilə bir həftə vaxt keçirməyə icazə verib. Ata körpəni qaytaranda bildirib ki, Kayson yatır. Ana əvvəlcə heç nəyi şübhəli saymayaraq uşaq arabasını evə gətirib.
Bir neçə dəqiqə sonra qadın arabadan qoruyucu üzlüyü çıxarıb və dəhşətli mənzərə ilə qarşılaşıb. Uşaq ölü olub, bədəni isə çoxsaylı göy ləkələri və qan sızmaları ilə örtülüb.
Rəsmi məhkəmə-tibbi ekspertizası müəyyən edib ki, körpənin ölüm səbəbi qəddar rəftar nəticəsində alınmış çoxsaylı xəsarətlər olub. Evansa hələlik uşağa qarşı qəddar rəftar ittihamı ilə rəsmi şəkildə təqsirləndirməyiblər, lakin o, qətlə şübhəli şəxs qismində həbs edilib.
İstintaq davam edir.