Azərbaycanda müəllimlər üçün sertifikasiya imtahanı həm peşəkar inkişafın, həm də maaş əlavələrinin göstəricisi kimi qiymətləndirilir.
Dünyada müəllim sertifikasiyası necə həyata keçirilir və sertifikatdan keçən müəllimlərə Azərbaycanda olduğu kimi maaş əlavələri verilirmi?
“ Təhsil 365” bu barədə araşdırma aparıb.
ABŞ: Müəllimlər ştat səviyyəsində sertifikatlaşdırılır. Müəllimlər pedaqoji və fənn biliklərini qiymətləndirən imtahanlardan keçirlər. Sertifikasiya maaş artımı üçün baza rolunu oynayır və bəzi hallarda əlavə performans bonusları da nəzərdə tutulur.
Kanada: Müəllimlər sertifikatlaşdırma prosesindən keçirilir, əsasən pedaqoji və fənn bilikləri qiymətləndirilir. Sertifikat müəllim statusunu təsdiqləyir, lakin maaş artımı daha çox təcrübə və ixtisasartırma ilə bağlıdır.
Böyük Britaniya: Burada müəllimlər Qualified Teacher Status adlı sertifikatla rəsmi olaraq tanınır. Yeni müəllimlər professional qiymətləndirmədən keçirilir. Sertifikat müəllimlərin bazar maaşını müəyyənləşdirir, əlavə bonuslar isə məktəbin performans göstəricilərinə bağlıdır.
Avstraliya: Müəllimlərin sertifikasiyası professional inkişaf və təcrübə qiymətləndirməsi əsasında həyata keçirilir. Sertifikasiya maaş artımının bir hissəsini müəyyən edir, performansa bağlı əlavə bonuslar da mövcuddur.
Finlandiya: Müəllimlər yüksək peşəkarlıq tələblərinə cavab verməlidir. Magistr təhsili və pedaqoji təcrübə sertifikasiyanın şərtidir. Sertifikasiya maaşın bazasını müəyyənləşdirir, əlavə performans bonusu yoxdur, amma professional inkişaf imkanları genişdir.
Yaponiya: Müəllimlər dövlət imtahanını keçdikdən sonra sertifikat alır və bu sertifikat onların maaş cədvəlində başlanğıc səviyyəsini müəyyən edir