Azərbaycan Dillər Universitetində (ADU) XX əsr Azərbaycan poeziyasının görkəmli nümayəndəsi, ictimai xadim, ədəbiyyatşünas alim və Xalq şairi Bəxtiyar Vahabzadənin anadan olmasının 100 illik yubileyinə həsr edilmiş elmi-mədəni tədbir təşkil olunub. İngilis və alman dilləri fakültəsi nəzdində fəaliyyət göstərən İngilis dilinin fonetikası kafedrasının təşkilatçılığı ilə keçirilən tədbir “Poeziyada akustik estetika: B. Vahabzadənin şeirlərinə fonetik yanaşma” adlı dəyirmi masa və şeir təqdimatı formatında baş tutub.
“Tehsil365” bildirir ki, tədbirdə İngilis və alman dilləri fakültəsinin dekanı, dosent N. Camalzadə, İngilis dilinin fonetikası kafedrasının müdiri, dosent X. Qocayeva, kafedranın professor-müəllim heyəti, həmçinin İngilis və alman dilləri və İngilis və fransız dilləri fakültələrinin 105b, 106a, 325b, 108a və 108b qruplarının tələbələri iştirak ediblər.