Məlum olduğu kimi, noyabrın 23-də Dövlət İmtahan Mərkəzi tərəfindən doktorantura, dissertantura və adyunkturada təhsil alan və ya təhsilini bitirmiş iddiaçıların xarici dil üzrə fəlsəfə doktoru imtahanı keçiriləcək.
“Tehsil365” DİM-in məlumatına əsasən xəbər verir ki, iddiaçılar “İmtahana buraxılış vərəqəsi”ni çap edə bilərlər.
Qeyd edilib ki, iddiaçı imtahana gələrkən şəxsiyyətini təsdiq edən sənədin əslini və “İmtahana buraxılış vərəqəsi”ni mütləq gətirməlidir.
Göstərilən sənədlərdən hər hansı biri olmazsa və ya sənədlər arasında uyğunsuzluq olarsa, iddiaçı imtahana buraxılmayacaq.