Bu gün, 20 noyabr 2025-ci il, Azərbaycanın ərazi bütövlüyünün bərpası istiqamətində mühüm hadisələrdən biri – Ağdam rayonunun rəsmi olaraq Azərbaycana qaytarılmasının 5-ci ildönümüdür.
"Tehsil365" xəbər verir ki, 2020-ci il noyabrın 10-da imzalanmış üçtərəfli Bəyanata əsasən, Ermənistan qüvvələri 20 noyabr tarixində Ağdam rayonunu döyüşsüz tərk edərək Azərbaycan Ordusuna təhvil verdilər. Bu, 44 günlük Vətən müharibəsinin hərbi-siyasi nəticələrindən biri olaraq tarixə düşdü.
Ağdam rayonu 1993-cü ildə Ermənistan tərəfindən işğal olunmuşdu. İşğal dövründə rayonun mərkəzi və kəndləri dağıdılmış, tarixi-mədəni irs məhv edilmişdi. Azadlıqdan sonra Ağdamda bərpa-quruculuq işlərinə start verildi və bu gün rayon sürətlə yenidən inşa edilir. Artıq şəhərin yeni baş planı əsasında infrastruktur yaradılır, yollar çəkilir, yaşayış kompleksləri salınır, sakinlərin qayıdışı üçün şərait formalaşdırılır.
Prezident İlham Əliyev Ağdamın azad olunmasını “siyasi və strateji qələbə” kimi qiymətləndirmiş, şəhərin “Azərbaycanın Şərqi”nə çevriləcəyini bəyan etmişdi.
Bu gün Ağdamın azad olunmasının ildönümü münasibətilə şəhərdə və ölkə boyu anım və bayram tədbirləri keçirilir.
Ağdam Azərbaycandır!