Şəki-Zaqatala Regional Təhsil İdarəsinin tabeliyində olan ümumtəhsil müəssisələrinin müəllim və şagirdlərindən ibarət komandalar SAF-2025 - “Beynəlxalq STEAM Azərbaycan Festivalı”nın final mərhələsində uğurla iştirak edərək müxtəlif kateqoriyalar üzrə 32 medal qazanıblar. Eyni zamanda, 12 komanda müxtəlif nominasiyalar üzrə qalib gəlib.
“Tehsil365” AZƏRTAC-a istinadla xəbər verir ki, festivalın yekun nəticələrinə əsasən, Zaqatala rayonunun “MegTech”, “LegoManiya” və Qax rayonunun “RoboX”, “Skycore” komandaları birinci yer tutaraq qızıl medala layiq görülüblər.
Zaqatalanın “FluX”, “TurboMind”, “Meqatron”, Qax rayonunun “LEGOBOYS”, “Cyber Wake”, “CodeVibe”, “FPV Racer”, Balakənin “Starlight”, “Smart YSS”, “Power Pair”, “2N'ergy” komandaları, həmçinin Şəkini təmsil edən “TexnoHelp1” komandası gümüş medalla təltif olunublar.
Balakən rayonunun “PowerBoys”, “GameMaster”, “Village”, “MorphoTech”, “BrainPals”, “StarTech”, Zaqatala rayonunun “Robokids”, “RoboMatrix”, “Roboteam”, “NovaRange”, “SolorSpace”, “Dragons”, Qax rayonunun “Blokland”, “LEGEND”, Oğuzun “GoalBots” və Qəbələnin “RED21SAT” komandaları isə festivalda bürünc medal əldə ediblər.
Bundan əlavə, Zaqatala rayonunun “Star”, “SPR LiONS”, “SubZero”, “Shield”, Qax rayonunun “Dev Duo”, “Şahinlər”, “Thunder”, Oğuzun “Karman”, “GoalBots”, Şəkinin “Radron”, Balakənin “Tech Creators Balakən” və Qəbələnin “RED21SAT” komandaları da festivalda müxtəlif nominasiyalar üzrə qalib gələrək mükafatlandırılıblar.