Noyabrın 20-də Azərbaycan Dövlət Pedaqoji Universitetində (ADPU) Filologiya fakültəsi, Müasir Azərbaycan dili kafedrası və Türkoloji mərkəzin birgə təşkilatçılığı ilə “Birinci Türkoloji Qurultayın 100 illiyi: dil məsələləri” mövzusunda simpozium keçirilib.
‘‘Tehsil365’’ bildirir ki, universitetdən bildirilib ki, simpozium Prezident İlham Əliyevin “Birinci Türkoloji Qurultayın 100 illik yubileyinin keçirilməsi haqqında” 2025-ci il 22 oktyabr tarixli Sərəncamının icrasından irəli gələn vəzifələr çərçivəsində təşkil edilib.
Tədbir ADPU-nun rektoru professor Cəfər Cəfərovun açılış nitqi ilə başlanıb. Sonra Qurultayın tarixi haqqında videoçarx nümayiş olunub.
Azərbaycanda Atatürk Mərkəzinin direktoru akademik Nizami Cəfərov “Birinci Türkoloji Qurultayın iştirakçıları və dil məsələsi” mövzusunda məruzə ilə çıxış edib.
AMEA-nın Dilçilik İnstitutunun direktoru professor Nadir Məmmədli “Birinci Türkoloji Qurultaya aid arxiv sənədləri” haqqında məlumat verib.
Türkiyənin Azərbaycandakı səfirliyinin mətbuat müşaviri Alptekin Cihangir İşbilir, “Ədəbiyyat” qəzetinin baş redaktoru Azər Turan çıxışlarında simpoziumun əhəmiyyəti barədə söz açıblar.
Beynəlxalq simpozium xarici ölkə türkoloqları - Gürcüstandan dosent Elizabed Bzhalava (Tbilisi Dövlət Universiteti), Kazandan professor Alfiya Yusupova (Kazan Federal Universiteti), Özbəkistandan professor Əzəmət Əkbərovun (İpəkyol Araşdırma Akademiyası) onlayn məruzələri ilə davam edib.