"Azərbaycanı dövlət tədbirlərində təmsil etmək istəyirəm, amma dəfələrlə müraciət etməyimə baxmayaraq, heç vaxt göndərilməmişəm".
Bu fikirləri caz və vokal ifaçısı Təranə Mahmudova "Baku TV"nin "Aktual Gündəm" verilişinin yeni buraxılışında səsləndirib.
Sənətçi bildirib ki, uzun illərdir peşəkar şəkildə fəaliyyət göstərsə də, dövlət tədbirlərinə dəvət almır:"Hazırda Azərbaycanın ən yaxşı caz pianoçuları ilə çalışıram. Neçə dəfə müraciət etmişəm ki, ölkəmizi dövlət tədbirlərində təmsil etmək istəyirəm, amma heç vaxt göndərilmirəm. Çünki Mənzər Nurəliyeva monopoliya qurub, illərdir öz qrupunu - eyni adamları dövlət tədbirlərinə göndərir. 10 dəfə onları göndərməkdənsə, bir dəfə də məni göndərsin".